Сүхбаатар дүүргийн 6-р хорооны 21-р байрны нийт 28 өрхийн 19 сууц өмчлөгчтэй зөвшилцөлд хүрээд байна

Сүхбаатар дүүргийн 6-р хорооны 21-р байрны дахин төлөвлөлтийн төслийн хүрээнд төсөл хэрэгжүүлэгч “Тод сүндэрэл” ХХК нь батламж авсан 2025 оны 08 дугаар сарын 12-ны өдрөөс хойш нийт 28 өрхийн 19 сууц өмчлөгчтэй зөвшилцөлд хүрээд байна.

Үлдсэн иргэдээс 6 сууц өмчлөгч 2026 оны 04 дүгээр сарын 30-ны өдөр манайд санал, хүсэлтээ ирүүлсний дагуу тус иргэдийг “Тод сүндэрэл” ХХК-ийн гүйцэтгэх захирлын хамт хүлээн авч уулзсан бөгөөд төслийн хэрэгжилтийг эрчимжүүлэх, талуудын байр суурийг ойртуулж бодитой шийдэлд хүрэх зорилгоор энэ долоо хоногт багтаан зөвшилцөлд хүрэх чиглэл өглөө.