Баянгол дүүргийн 2 дугаар хорооны дахин төлөвлөлтийн асуудлаар гурван талт уулзалт боллоо

"Улаанбаатар орон сууцжуулалт" ХХК-ийн Захиргааны газрын дарга Б.Пүрэвсүрэн, АШХОС-ны хэлтсийн дарга Б.Бат-Учрал нар холбогдох мэргэжилтнүүдийн хамт Налайх дүүрэгт ажиллаж байна.

Тус дүүргийн 2 дугаар хорооны 1-11 дүгээр байрны иргэд, оршин суугчдын төлөөлөлд ашиглалтын шаардлага хангахгүй Цагаан байрны барилгыг буулган, дахин барих үйл ажиллагааны талаар дэлгэрэнгүй мэдээлэл өгч, иргэдийн асуултад хариулт өглөө.

Иргэдийн хувьд дахин төлөвлөлтийн ажил хурдтай, ахицтай яваасай гэж хүсч байгаагаа илэрхийлж, мэдээлэл өгөх зорилготой уулзалтын давтамжийг нэмэгдүүлж өгөхийг хүсэв. Мөн аж ахуй нэгжүүд дахин төлөвлөлтийн ажлыг гацааж байгаа талаар сэтгэгдлээ илэрхийлж байлаа. Хуралд дүүргийн Иргэдийн төлөөлөгчдийн хурлын дарга Н.Мандуул, 2 дугаар хорооны Засаг дарга Ч.Идэрбат нар оролцож, иргэдэд нэгдсэн ойлголт өгч ажиллав.