Франц болон Европын олон хотод барилгын дулаан алдагдлыг infrared дулаан мэдрэгч камер ашиглан илрүүлэх аргачлал нь эрчим хүчний үр ашгийг дээшлүүлэх үндсэн хэрэгсэл болон төлөвшиж байна. Энэ арга нь барилгын гадаргуугийн температурын ялгааг бодитоор харуулж, дулаан алдагдал үүсч буй цэгүүдийг “термографийн зураг” хэлбэрээр гаргаж өгдөг бөгөөд замдаа нуралт, дулаан алдагдал, хана-дээврийн дулааны гүүр, агаар нэвчилтийн гол шалтгаануудыг илрүүлдэг. Эдгээр мэдээллийг дараагийн үе шатны эрчим хүчний шинэчлэл (insulation upgrade, façade retrofit, airtightness improvement) хийх шийдвэрт шууд ашигладаг.
Францын Байгаль орчин, хөгжлийн яам (Ministère de la Transition Écologique) болон орон нутгийн захиргаануудын зүгээс 2020 оноос RE2020 нэртэй шинэ дулааны норматив мөрдөгдөж эхэлсэнтэй холбоотойгоор термографи нь хуучин барилгуудын эрчим хүчний хэмнэлтийг үнэлэх үндсэн арга болж өргөжсөн. Энэ хүрээнд орон нутгийн хэмжээнд дулаан мэдрэгч камерын “fly-over thermography” буюу дрон, нисдэг төхөөрөмж ашиглан бүхэл бүтэн дүүргийн дулааны зураглал хийх, эсвэл газар дээрээс барилгын гадна ханын температурын зураглал хийж, мэдээллийг GIS системд холбох практик түгээмэл болов.
Энэ технологи нь Францын LNE (Laboratoire National de Métrologie et d’Essais) зэрэг байгууллагын боловсруулсан стандартын дагуу ажилладаг. Тэд термографийн хэмжилт хийх нөхцөл, камерын нарийвчлал, температурын ялгаа тодорхой байх шаардлага, мөн мэдээллийг боловсруулах аргачлалыг тодорхойлсон техникийн заавар боловсруулсан байдаг. LNE-ийн тодорхойлж буйгаар, барилгын дулаан алдагдлыг илрүүлэхэд гадна орчны температур, салхины хурд, чийгшил, нарны тусгал зэрэг нь үр дүнд шууд нөлөөлдөг тул хэмжилт нь ихэвчлэн өвлийн шөнө, гадна дотор температурын 10°С-аас дээш зөрүүтэй үед хийгддэг.
Хамгийн сүүлийн үеийн олон улсын судалгаанууд ч термографийг барилгын дулаан гадагшлалт илрүүлэх арга гэж хүлээн зөвшөөрч байна. 2019 онд хэвлэгдсэн “Thermal Image Building Inspection for Heat Loss Diagnosis” нэртэй шинжилгээ нь хуучин барилгуудын ханын дулааны гүүр, дулаан алддаг цэгүүдийг илрүүлэхдээ infrared камер хамгийн үр дүнтэй гэдгийг тодорхойлсон байдаг. Тус судалгаанд барилгын гадаргуугийн температурын тархалтыг хэмжихдээ дулааны гүүр, цонхны холбоос хэсэг, дээврийн залгаас, дулаалгын эвдрэл, хана доторх агаар алдагдал зэрэг олон инженерийн согогийг нэг шалгалтаар илрүүлсэн нь тэмдэглэгдсэн.
2025 онд Aalto University-ийн нийтэлсэн “Energy Efficiency Detection of Buildings with Thermal Camera” хэмээх шинэ судалгаа энэ дүгнэлтийг дахин баталгаажуулж, дулаан мэдрэгч камерын зураглал нь барилгын эрчим хүчний шинэчлэл хийх бүхий л шийдвэрийн суурь өгөгдөл болдгийг онцолсон. Судалгаанд дээвэр, хана, шал, гадна бүрээсийн энерги гадагш алдах цэгүүдийг тодорхойлж, зураглалд үндэслэн дулаан тусгаарлагчийг нэмэгдүүлэх, цонхны битүүмжлэл сайжруулах, фасадны дулаалга засварлах зэрэг шинэчлэлүүдийг техникийн үнэлгээтэй холбосон байдаг.
Францын захиргааны байгууллагууд энэ аргачлалыг хотын түвшинд ашиглахдаа орон сууцны хорооллын дулааны зураглалыг газрын зургийн системтэй холбож, эрчим хүчний шинэчлэлийн шаардлагатай хэсгийг дугаарлаж, төсөв ба санхүүжилтийн дарааллыг тогтоохдоо ашиглаж байна. Ингэснээр өртөг өндөртэй дулаалга, фасад шинэчлэл хийх ажлыг баримттай, эрэмбэлсэн байдлаар зохион байгуулах боломж бүрдэж, айл өрхүүдийн дулаан хэрэглээний зардлыг бууруулах, хотын нийт эрчим хүчний үр ашгийг өсгөх, хүлэмжийн хийн ялгарлыг багасгах бодит үр дүн гарч байна.
Эх сурвалж:
https://www.researchgate.net/f...
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
MN
EN
Сэтгэгдэл бичигдээгүй байна