Дахин төлөвлөлтийг дэмжиж, амьдрах орчноо сайжруулахыг хүссэн иргэд уулзалтад идэвхтэй оролцож байна

“Улаанбаатар орон сууцжуулалт” ХХК-иас дахин төлөвлөлтийн асуудлаар өдөрт дунджаар байршил тус бүрээр 2 уулзалт, давхардсан тоогоор 100 орчим иргэнтэй уулзалт зохион байгуулж, мэдээ мэдээллээр ханган ажиллаж байна. Ямарч дахин төлөвлөлтийн төсөл иргэдийг зөв мэдээллээр хангаж байж, нэгдсэн саналд хүрч байж, харилцан ойлголцож байж амжилттай явагддаг. Өөрсдийн амьдрах орчин нөхцөлд санал бодлоо хэлж, хамтдаа шийдэл эрэлхийлж, уулзалт бүртээ идэвхийлэн оролцдог иргэддээ талархая.

Өнөөдрийн тухайд, Хан-Уул дүүргийн 1-р хорооны 18 дугаар байрны оршин суугч, өмчлөгчидтэй уулзалт зохион байгуулж, барилга байгууламжийн зураг төсөл, ногоон байгууламж, хүнд ээлтэй орчин, өнгөрсөн удаагийн алдааг давтахгүй байх гэхчлэн маш өргөн хүрээнд нээлттэй ярилцлаа.Эрхзүйн болон эдийн засгийн боломжоо хэрхэн иргэдэд хүртээмжтэй байлгаж болох вэ? гэдэг талаас төр анхаарна. Төслийг хэрэгжүүлэх компани санхүүгийн чадавхтай, өндөр хариуцлагатай, хүний эрхийн мэдрэмжтэй байх чухал. Харин иргэд үзэл санааны хувьд нэгдэж, төслийг гацаахгүй байх тал дээр анхаарч, зөв зүйтэй бүтээн байгуулалтыг дэмжиж чаддаг байхад төсөл амжилттай, цаг хугацаа алдахгүй хэрэгжих юм.